ننّھا بچّہ

ننّھا بچّہ

poem for your small kid. It was written by Khawaja Dil Muhammad 61 year before (1949) in his book Dil kee bahar

بھولا بھولا پیارا پیارا
ننھا ننھا لال ہمارا

ہنس کر سب سے ملنے والا
پھول کی صورت کھلنے والا

جھٹ سے ہُمک کر گود میں آئے
گود میں آئے جی میں پرچائے

کرتا ہے کب رُوں رُوں رُوں رُوں
بولی اِس کی آغُوںآغُوں

چسنی مُنہ میں دے دو خوش ہے
گو د میں اس کو لے لو خُوش ہے

سوتے سوتے ہنستا جائے
ماں کے جی کا پھول کھِلائے

پِنگورے میں چَین سے لیٹے
جاگے جب تو انگُوٹھا چُوسے

لال کھِلَونے دیکھے بھالے
جو کُچھ لے سو مُنہ میں ڈالے

ہنس ہنس کر ہے سُکھ سے جیتا
دُودھ ہے اپنے وقت پیتا

بھولے پن کو قابُو کر لو
فوٹو اِس کا لے کر رکھّو

کل جب یہ انسان بنے گا
ڈپٹی یا کپتان بنے گا

پاکستانی لیڈر ہوگا
اُونچا لاٹ گورنر ہوگا

فوٹو اِس کو یہ دِکھلانا
بھولے پن کی یاد دِلانا

Farrukh Noor