پپو سانوں تنگ نہ کر توں

پپو سانوں تنگ نہ کر توں

پپو سانوں تنگ نہ کر توں
بڑے ضروري کم لگے آن
سوچي پے آن ہن کيہ کريئے

روٹي شوٹي کھا بيٹھے آن
لسي شسي پي بيٹے آں
حقے دا کش لا بيٹھے آں
پوجھ پاجھ کے اندروں باہروں
بھانڈے دي کھڑکا بيٹھے آں
سوچي پے آن ہن کيہ کريئے

ديکھ لياں نيں سب اخباراں
سبھے ورقے تھل بيٹھے آں
پڑھ بيٹھے آن سارے اکھر
سارے حرف سنا بيٹھے آں
سوچي پئے آن ہن کيہ کريئے

کيسے کيسے اسلحے بن گئے
وڈے وڈے مسئلے بن گئے
وڈے شہرو سا بيٹھے آں
سارا چين گوا بيٹھے آں
سوچي پئے آن ہن کيہ کريئے

رزق سياست ، عشق ، کوتا
کجھ وي خالص رہن نہ دتا
ساري کھبڈ ونجا بيٹھے آں
ودھ وچ سرکہ پا بيٹھے آں
سوچي پئے آن ہن کيہ کر ئے

جي کردا سي ووٹاں پائيے
مارشل لا توں جاں چھڈائيے
ووٹاں شوٹاں پا بيٹھے آں
ايہ جمہوري رولا رپا
کنے سال ہنڈا بيٹھے آں
سوچي پتے آن ہن کيہ کريئے

سودا کوئي پجدا نا ہيں
کوئي رستا سنجھدا نا ہيں
رستے دے وچ آ بيٹھے آں
سوچي پے آں ہن کيہ کريے

پاکستان میں بلاگسپاٹ پر پابندی کی وجہ سے اپنا ڈیرہ اردو بلاگ ذیل میں کسی ایک لنک پر کلک کر کے پڑھا جا سکتا ہے۔

http://apnadera.blogspot.com.nyud.net:8090
http://www.inblogs.net/apnadera
http://pkblogs.com/apnadera