سزا اور جزا

سزا اور جزا

روایت ہے کہ خلیفہ ہارون الرشید عباسی کے دربار میں ایک شخص پیش ہوا اور اپنا کمال دکھایا۔ اس نے صحن میں ایک سوئی گاڑی دور جا کر دوسری سوئی پھینکی تو یہ سوئی اس کھڑی سوئی کے ناکے میں پہنچ گئی۔ لوگ عش عش کرنے لگے۔ ہارون الرشید نے حکم دیا کہ اسے ایک دینار انعام دیا جائے اور دس درے مارے جائیں۔ لوگوں نے اس اس جزا اور سزا کے بارے میں پوچھا تو انہوں نے کہا ‘اس کی ذہانت اور مشاقی ضرور قابل داد ہے لیکن اس نے اپنا ذہن ایسے فضول کام میں لڑایا، لہذا یہ سزا کا مستحق بھی ہے‘
آجکل ہمارے سیاستدانوں کا بھی یہی حال ہے وہ حتی المقدار اپنا فن دکھلا رہے ہیں لیکن ترجیحات مقرر کرنے میں غلطی کھا رہے ہیں۔ مشرف کے اس جدید دور میں کوئی ہارون الرشید ہے نہیں جو سزا اور جزا کا فیصلہ سنائے۔