میرا شہر ڈوب رہا ہے

میرا شہر ڈوب رہا ہے

غمِ زندگی سناؤں،  میرا شہر ڈوب رہا ہے
میں خوشی کہاں سے لاؤں میرا شہر ڈوب رہا ہے

تمہیں یہ گلہ ہے جاناں، کہ مزاج کیوں ہیں برہم
کہو کیسے مسکراؤں، میرا شہر ڈوب رہا ہے

تمہیں ہے عید کی خوشی، مجھے ہے وہ معلوم لیکن
 میں یہ کیسے بھول جاؤں، میرا شہر ڈوب رہا ہے

ہے ڈگر ڈگر بارش، قدم قدم پانی
سرِ راہ ڈگمگاؤں، میرا شہر ڈوب رہا ہے

میرا زخم زخم سینہ تو لہو لہو سفینہ
میں سکون کیسے پاؤں، میرا شہر ڈوب رہا ہے