وہ جس کی زباں اردو کی طرح

وہ جس کی زباں اردو کی طرح

ان اہل زباں دل والوں کو

ان شعر و ادب کے پالوں کو

دل ڈھو نڈے ان متوالوں کو

ان اردو بولنے والوں کو

اے کاش کہں مل جائیں ہمیں

آداب کہیں،پھر عرض کریں

یہ کیسی روایت ڈالی ہے

کیوں نوک زباں پر گالی ہے

کیوں چھوڑ کہ فن و علم و ادب

تم نے بندوق اٹھا لی ہے

کیوں شاعر ظلم پہ مائل ہے

کیوں شہر کراچی گھائل ہے

کیوں تکیہ بھتہ خوری پر

اس خون سے لتھڑی بوری پر

دانا کہتے ہیں بس بھی کر

تو بھی چپ رہ، آواز نہ کر

جو سب ڈرتے ہیں تو بھی ڈر

تل تل مرتے ہیں ،تو بھی مر

صمُ بکمُ ہیں دانشور

دل کرتا ہے فریاد مگر

کچھ رحم کرو ،الطاف کرو

دل کی آلائش صاف کرو

یہ شہر تمہارا اپنا ہے

اس شہر کو بھیا معاف کرو