فرائض سادات

فرائض سادات

لیڈی ڈیانا بہت خوبصورت تھی، حسن کی ملکہ اور دلوں کی رانی تھی، ویسے تو ہماری بے نظیر بھی کسی سے کم نہیں ہیں بلکہ شہزادیوں میں بے نظیر ہیں، مگر جس طرح ماتم صرف جسمانی موت کا ہی نہیں ہوتا اسی طرح خوبصورتی بھی محض جلد کی گہرائی تک نہیں ہوتی۔ اصل بات یہ ہوتی ہے کہ اگر کوئی خوبصورت ہے تو اس میں اس کا اپنا کیا کمال ہے؟ کسی کے شہزادی یا شہزادے ہونے میں اس کا اپنا کتنا دخل ہے؟
اسی نقطہ نظر کے تحت دیکھا جائے تو اصل معاملہ ڈیل کا نہیں، بلکہ یہ ڈیل کیسے، کس انداز اور مفادات میں کی جا رہی ہے اسے دیکھنا پڑتا ہے کہ اس میں کتنی خوبصورتی یا بدصورتی پنہاں ہے۔ خوبصورت وہی ہے جو خوبصورت نہ ہوتے ہوئے بھی اچھا لگے اور جو سید نہ ہوتے ہوئے بھی فرائض سادات ادا کر سکے۔