02 November, 2008

عجیب قوم ہیں ہم!

ابھی [[پرویز مشرف]] کی دھول ختم اور تڑپتی روحوں کو سکون نہیں ملا کہ ایک اور مشرف کی آمد کے نغمے گائے جا رہے ہیں۔
ایسا کیوں ہے؟
یقینا یہ سیاستدانوں کی بہت بڑی ناکامی ہے۔


ان سیاستدانوں کے الیکشن منشور کچھ اور ہوتے ہیں اور اقتدار کا ایجنڈا کچھ اور ہوتا ہے۔ جس سے عوام بہت جلد ان سے بددل ہو جاتی ہیں۔ اس وقت عوام اور سیاستدان دو دھڑوں میں بٹے ہوئے ہیں۔ ایک دھڑہ طالبان کے نام پر اپنی سیاست چمکا رہا ہے تو دوسرا طالبان کے تصور اسلام کا مخالف اور حکومت کا حامی و مددگار بلکہ وظیفہ خوار بن چکا ہے۔ مگر حقیقت میں دونوں ہی غلط ہیں دونوں ہی پاکستان اور اسلام کو نقصان پہنچا رہے ہیں۔
دراصل عوام نے آج تک کسی سیاستدان کا محاسبہ نہیں کیا اور نہ ہی کسی سے یہ پوچھا کہ وہ اپنے الیکشن منشور پر کتنی حد تک عمل پیرا ہے۔ اگر عوام سیاستدانوں کا ‘انٹرویو‘ کرتے تو آج صورتحال قطعی مختلف ہوتی۔ ہمارے نظام کی گندگی بڑھتے بڑھتے اب ایک بہت بڑے گندگی کے ڈھیر میں تبدیل ہو چکی ہے۔ اس وقت ہمیں بھل صفائی کی ضرورت ہے کیونکہ جب تک قوم اپنی آستینیں چڑھا کر اور پاجامے تخنوں سے اوپر کر کے اس گندگی کے دھیڑ میں اتر کر اس کی صفائی نہیں کرے گی تب تک آمروں اور مفاد پرست سیاستدانوں سے جان نہیں چھوٹے گی۔
عجیب قوم ہیں ہم !!!!!!!! کنوئیں میں پڑے کتے کو نکالنے کی بجائے پانی نکال کر کنویں کو پاک کرنا چاہتے ہیں۔

3 comments:

عماد نے لکھا ہے

کوئ برا مانے یا بھلا مگر ایک بات نوٹ کرلو امریکی بھیڑیا روز اول سے ہی پاکستان پردانت گڑایا ھوا ہے جب تک یہ بھیڑیا دانت گڑایا ھے ایک بڑھ کر ایک پرویز آتے ہی رہینگے اسکا صرف ایک ہی حل ہے ک اس بھیڑیے کی کمر توڑی جاۓ یا سرتوڑاجاۓ جب یہ دانت نکلے گا تبھی پاکستان کا بھلا ہو پاۓگا

11/02/2008 07:07:00 PM
ڈفر نے لکھا ہے

دانت نکالے گا کون؟
یہ توہمارے سیاستدانوں کے لئے بلی کے گلے میں گھنٹی ڈالنے والی بات ہے

11/03/2008 01:21:00 AM
محمد سعد نے لکھا ہے

سیاستدان نہیں نکالنے والے۔ جب تک ہم لوگ خود کچھ نہیں کریں گے اور ہاتھ پر ہاتھ دھرے بیٹھے رہیں گے، تب تک کوئی تبدیلی نہیں آئے گی۔

11/03/2008 05:06:00 PM

آپ بھی اپنا تبصرہ تحریر کریں

اہم اطلاع :- غیر متعلق,غیر اخلاقی اور ذاتیات پر مبنی تبصرہ سے پرہیز کیجئے, مصنف ایسا تبصرہ حذف کرنے کا حق رکھتا ہے نیز مصنف کا مبصر کی رائے سے متفق ہونا ضروری نہیں۔

اگر آپ کے کمپوٹر میں اردو کی بورڈ انسٹال نہیں ہے تو اردو میں تبصرہ کرنے کے لیے ذیل کے اردو ایڈیٹر میں تبصرہ لکھ کر اسے تبصروں کے خانے میں کاپی پیسٹ کرکے شائع کردیں۔


بلاگر حلقہ احباب