عزمِ عالی شان

عزمِ عالی شان

یہ نورا کشتی پہلے سیاست کا خاصا تھی اب میڈیا والوں نے بھی اسکو اپنا لیا ہے۔ خدا غارت کرے ان منافقوں کو۔
کسی نے کیا خوب کہا ہے کہ جب ایک طوائف فروخت ہوتی ہے تو اس کا صرف جسم بکتا ہے لیکن جب ایک صحافی کا قلم فروخت ہوتا ہے تو اس کے ساتھ پوری قوم بکتی ہے۔


یہ زمیں خریدوں گا، آسماں خریدوں گا
آسماں کے سینے پر اپنا نام لکھوں گا
مے کدہ خریدوں گا، گل ستاں خریدوں گا
گل ستاں کے چہرے پر اپنا نام لکھوں گا

عزم عالی شاں میرا، ہاتھ آہنی میرا
راگ آہنی میرا، ساز آہنی میرا
اپنے ساز کی دھن پر سب کو میں نچاؤں گا
عزم عالی شاں میرا

کس جہاں میں رہتے ہو، خواب دیکھتے ہو تم
ریت کی لکیروں پر آشیاں بناتے ہو تم
پائمال راہوں کو رَہ نما بناتے ہو
کُہنہ ضابطوں کو تم پاس باں بناتے ہو
کس جہاں میں رہتے ہو، خواب دیکھتے ہو تم

ہر اصول کی قیمت میری جیب کے اندر
ہر قماش کے پتے میری جیب کے اندر
چیخنے سے کیا حاصل، رینگنے سے کیا حاصل
اس جہاں میں پیارے، ہر کوئی بکاؤ ہے
مال و زر  کی منڈی میں زندگی بکاؤ ہے
ضابطے خریدوں گا، آئینے خریدوں گا
آئینوں کی دھڑکن کے سلسلے خریدوں گا
کون سی ہے شے جس کے دام لگ نہیں سکتے
ہر ضمیر بکتا ہے، ہر خمیر بکتا ہے

میں قلم خریدوں گا، عدلیہ خریدوں گا
آدمی خریدوں گا، فیصلہ خریدوں گا
یہ زمیں خریدوں گا، آسماں خریدوں گا
آسماں کے سینے پر اپنا نام لکھوں گا
پاک سر زمیں میری، عزم عالی شاں میرا
احفاظ الرحٰمن

Malik Riaz Planted Interview with Mehar Bukhari and Mubashir Lukman on Dunya TV - Part 01

Malik Riaz Planted Interview with Mehar Bukhari and Mubashir Lukman on Dunya TV - Part 02